وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف ويوم طلعنا قابنا سيكورتي قال لنا : وش جابكم هنا بهالوقت .؟؟ قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا
عليه اننا نذب ذبات نبي نلطف الجو هو مايضحك ولا يغير نظراته المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي قال اي سيكورتي .؟
قلنا السيكورتي الي هنا قال والله مافيه سيكورتي هنا من 9 سنين
احنا وجيهنا صارت كذا
قلنا اهااا
وركبنا السياره ومشيناقلت لهم
داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو كذا
ملحطين
المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم معنا كشافات من هنا لليل
المهم وصلنا
للمستشفى الساعه 2 ونص الليل <<< يقالك بنخربها
رحنا للموقع
نفسه الي كنا فيه امس لقينا البوابه الي كانت مسكره صارت مفتوحه قلنا زين محنب
ناقزين ولا شي ورحنا للباب نفسه لقينا الباب كله مكسور امس كان نصه لا الحين
كله مكسوروقايلين العيال ان الدور الارضي والاول مافيه شي يخوف يقولون
الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف
اول ما تدخل تمشي سيده بعدها تروح يسار تسيد شوي تروح يمين
تجيك الثلاجه بـ وجهك<<< ومن قالك انهم بيدخلونه المهم ماعلينا رحنا لـ ثلاجه الموتى
ووالله على ما اقوله شهيد فيه دريشه على الباب
طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين
وربي كثيرين انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص
بنروح وبنشوف وش شفتو راحو وشافو ومالقو شي بس نور ابيض المهم قالو الله يقلعكم
هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس
هنا قالو طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم
المهم رقينا للدور الي بعده ومالقينا فيه شي يجذب او يخوف ورقينا
الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه
قلنا اوكي المهم فتشنا كل شي ما لقينا شي المهم رحنا للدور
الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول
بس واضح ان لو تهف الباب طاح
المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي
ماااره المهم رحنا ودخلنا غرفه العمليات وورب
الي خلقكم اننا لقينا شاهي يطلع منه بخااار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش قلنا يمكن نصير
متوهمين درنا في هالدور كله المهم ثنين من اخويانا قالو والله انكم موسوسين احنا
بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراااخ اخويانا الثنين وركضنا للدرج بنشوف وش فيهم شطفونا داااعسييين نازلين لـ تحت
والله وكلنا نلحقهم وواحد من العيال يقراء ايه الكرسي قعدنا
نلحقهم طولنا واحنا نركض وراهم الييين طلعنا واحنا موب تعبانيين الا متقطعين من التعب المهم
وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم المهم قال والله وبالله واقسم بالله اني صادق
على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا
شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله
مافهمنا عليه من كلامه قاعد يتأتئ <<<< حاولو تقرونها المهم
يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم
ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم
قمطو قلنا خلاص نجي كلنا ونشوف قالو الثنين والله مانروح لو على قص رقبتنا وثلاثه
بعد قالو كذا وركبو السياره احنا رقينا للدور الثامن وتونا واصلين له الا والله العظيم
تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه
طاقتنا ام الركب فيها بعدها ما تشوف الا قوه ركض صرنا ما شاء الله غزلان المهم
طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها وبعد
ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى بس والله شي يقهر اجهزه من اعلى المستويات << متعوب عليها واشياء من جد سابقه عصرها وان شاء الله الصور تثبت كلامي
ووالله ياشباب ويا صبايا ان مازدت ولا نقصت ولا حرف ناقلها لكم نصاً
الجنس : عدد المساهمات : 1502السٌّمعَة : 143تاريخ التسجيل : 23/07/2010العمر : 42المــزاج : عابر
موضوع: رد: مستشفى عرقه والجن؟؟ بالصور والفديو """"" الخميس أبريل 14, 2011 1:25 pm
فعلا قصة غريبة وعجيبة... لكن في الواقع في كثير من الاماكن المسكونة بالجن ... تسلم اخوي على المجهود... وواااصل التميز...
وصااال مميزه
الجنس : عدد المساهمات : 151السٌّمعَة : 47تاريخ التسجيل : 03/06/2010
موضوع: رد: مستشفى عرقه والجن؟؟ بالصور والفديو """"" الإثنين أبريل 18, 2011 3:21 pm
يعطيك العاافيه اخوي بصراحه موضوع مميز تستاهل التقيم والجن اكيد موجودين في الاماكن المجهوره وفي كل مكان حتى في البيوت
قال تعالى وماخلقت الجن والانس الاليعبدون )
مشكلة الجن مو في اني اشوفهم بس االمشكله اذا دخلو حياة شخص عفسوا حيااته
خاصة الكافر الله يقاصرهم بالاحسان سلمت يداك
صرخة الظلام X مشرفـه X
الجنس : عدد المساهمات : 575السٌّمعَة : 22تاريخ التسجيل : 13/09/2011العمر : 43المــزاج : مزدوج
موضوع: رد: مستشفى عرقه والجن؟؟ بالصور والفديو """"" الثلاثاء أكتوبر 04, 2011 11:53 am
موضوع مميز للغاية
وفعلا في اماكن كثيرة مسكونة بالجن الله يحفظنا
تحياتي لك اخوي
الملاك الأبيض X مرعب جديد X
الجنس : عدد المساهمات : 53السٌّمعَة : 8تاريخ التسجيل : 02/10/2011العمر : 34المــزاج : مرح وهادي
موضوع: رد: مستشفى عرقه والجن؟؟ بالصور والفديو """"" الثلاثاء أكتوبر 04, 2011 12:55 pm
يعطيك العافيه على الموضوع الجديد والمميز صدق غريب وبالرياض أنشاء الله ماأشوف جن بحياتي صح كل شي مهجور لابد يكون مسكون
عبدالحميد السعد عـضونـشــيط
الجنس : عدد المساهمات : 154السٌّمعَة : 27تاريخ التسجيل : 16/10/2011العمر : 50الموقع : www. مافي موقع.com المــزاج : غير معروف الحالة
موضوع: رد: مستشفى عرقه والجن؟؟ بالصور والفديو """"" الإثنين أكتوبر 17, 2011 6:14 am
تسلم يالغالي على طرحك المميز مزيد من التقدم والتميز واتمنى لك انه الله يبعدك عن كل مكروه
مــآيمشيني عنــادكـ عــضوه فـعـاله
الجنس : عدد المساهمات : 11السٌّمعَة : 0تاريخ التسجيل : 25/11/2011العمر : 37المــزاج : مزاجي قـ'صـــة لـا يفـهـمـهـــــا أحــ'ـــد
موضوع: رد: مستشفى عرقه والجن؟؟ بالصور والفديو """"" الجمعة نوفمبر 25, 2011 2:00 pm
ياشيخ ياحظكم شفتو سكن وعشتو قصه رعب عساني مانظلكم
عرعوب X مرعب جديد X
الجنس : عدد المساهمات : 3السٌّمعَة : 0تاريخ التسجيل : 08/05/2013العمر : 44المــزاج : خوف
موضوع: رد: مستشفى عرقه والجن؟؟ بالصور والفديو """"" الأربعاء مايو 08, 2013 6:56 pm
اشكرك اخوي أسير الصمت على القصة الواقعية وكم مرات سمعت عن مستشفى عرقة كلامك صحيح لكن الصور ما طلعت والفيديو مغلق ليش اتمناء من الإدارة / تظهر الصور أو الفيديو . تحياتي .
موضوع: مستشفى عرقه والجن؟؟ بالصور والفديو """"" 
الجمعة ديسمبر 31, 2010 6:08 pm
